قواعد القانون المرورى فى مصر

اذهب الى الأسفل

قواعد القانون المرورى فى مصر

مُساهمة من طرف dahbgold في الأربعاء يوليو 02, 2008 8:47 am

قواعد قيادة السيارات في مصــــــــــــــــــــــــر



القاعدة الأولى

لو عربيتك كبيرة أو قديمة، أستخدم المبدأ القانوني: اللي خايف على عربيته يوسع!!

ملحوظة: ابعد عن سكة العربيات المخرشمة ، بيسوقوا بنظرية ضربوا الأعور على عينه!!


--------------------------------------------------------------------------------

القاعده الثانية

البوز بيز Booze Base: اللي يدخل ببوز عربيته الأول للتقاطع هو صاحب أولوية المرور! احرص على أن تكون صاحب أول بوز.

ملحوظة: لا تطبق الـ Booze Base مع أي لوري أو أتوبيس، حرصاً على بوزك لا مؤاخذة.


--------------------------------------------------------------------------------

القاعدة الثالثة

الإشارات تكشف نواياك للأعداء، أياك أن تستخدمها!


--------------------------------------------------------------------------------

القاعدة الرابعة


لا تترك مسافة للأمان بينك و بين السيارة التي أمامك فهذا له عدة مخاطر:


1. عربية ثانية حتملا الفراغ في ثواني و برضه ما يبقاش فيه مسافة بينك و بين اللي قدامك، كل اللي كسبته انك اتأخرت لورا شوية.

2. هتدي فرصة للعيال يعملوا غرز قدامك.

3. كل المشاة حيغمضوا عينيهم و يعدوا من الحته دي.

4. الي وراك حيقعد يزمر - لو كان مؤدب -
أو تسمع شوية أسامي حيوانات لو كان سواق تاكس - مؤدب - ،
أو حيخبطك من ورا لو كان سواق ميكروباص - و دول مافيش حد منهم مؤدب -.

الإشارات مش معمولة علشان تنظم المرور ، معمولة علشان شكل القاهرة يبقى متحضر بس!

اعتمد
على العساكر ( مع تحملك كامل المسؤلية لو واحد منهم شاورلك تعدي و بلدياته
الناحية الثانية فتح السكة للوري ) أو يفضل أن تستعمل البوز بيز ( راجع
القاعدة الثانية ).


--------------------------------------------------------------------------------

القاعدة الخامسة

اذا
كنت مش واقف في الصف الأول في الاشارة اعمل حسابك تزمر بشكل متواصل و
هستيري أول ما الأشارة تفتح، لأن الناس الي قدام بيبقوا واقفين في الاشارة
من زمان و جايز جداً يكونوا ناموا!!


--------------------------------------------------------------------------------

القاعدة السادسة

معظم الحوادث تحدث في التقاطعات أول الأشارة ما تحمر، كل ما عديت الإشارة الحمراء أسرع كل ما قلت فرصة انك تتخبط!


--------------------------------------------------------------------------------

القاعدة السابعة

الشارع
مكان مقرف، سوق بأسرع ما يمكن حتى تتخلص من هذا الهم بسرعة، الناس الي
ماشيين بالراحة مرضى نفسيين بيستمتعوا بالعذاب ، يستاهلوا الي يجرى لهم.


--------------------------------------------------------------------------------

القاعدة الثامنة

من
حقوقك الدستورية أن تركن أمام باب المحل الذي تريد أن تشتري منه، اذا سبقك
واحد ابن ستين في سبعين و ركن قدام الباب، فمن حقك أن تقفل عليه و تركن صف
ثاني أو ثالث، و مش مهم لو الشارع اتقفل، ايه يعني أما الناس تتعطل عشر
دقائق علشان تستمتع بحقوقك الدستورية؟ هيا يعني الدنيا طارت ولا كان وراهم
الديوان؟


--------------------------------------------------------------------------------

القاعدة التاسعة

من
حقك أيضاً أن تخرج من مكان انتظارك في أي لحظة تشاء، اكسر الدركسيون شمال
و اطلع، أي حد ماشي في الشارع لازم يقف لك فوراً، راجع البند السابق.


--------------------------------------------------------------------------------

القاعدة العاشرة

إحترس من ثلاث أنواع من السائقيين بيسوقوا و كأنهم مش ممكن يموتوا:

1. العيال الروشين الي بيلعبوا Computer Games و فاكريين إن ممكن يكسبوا Life زيادة لو ساقوا أسرع.

2. موتوسيكلات توصيل الطلبات ( Home Delivery ).

3. سواقين الميكروباص.

ملحوظة: إوعى تحاول تثبت لحد منهم إن فكرته غلط. فاهمني!!!.


--------------------------------------------------------------------------------

القاعدة الحادية عشر

لما
تشوف حادثة لازم تهدي و تتفرج - مش مهم تساعد - الحجات دي دمها أخف من
الأخبار المملة بتاعة التلفيزيون، و بعدين لما الطريق وراك يقف تحمي
المجتمع من حادثة تانية.


--------------------------------------------------------------------------------

القاعدة الثانية عشر

الكناسين لازم يحللوا اللقمة الي بياكلوها، حاول تنفعهم و ترمي أي حاجة من الشباك.


--------------------------------------------------------------------------------

القاعدة الثالثة عشر

لما تخلص سيجارة أوعى تحطها في الطفاية، ارميها من الشباك أول ما تشوف واحد بموتوسيكل معدي جنبك ( علشان يحرم يعمل غرز ).


--------------------------------------------------------------------------------

القاعدة الرابعة عشر

من حقك أن تعبر الشارع في أي وقت و من أي مكان.


--------------------------------------------------------------------------------
القاعدة الخامسة عشر

اذا كان هناك سيارة قادمة اعمل نفسك مش واخد بالك و عدي براحتك خالص، ما تخافش، هوا حيقف، هو اهبل يدوسك و يودي نفسه في داهية؟


--------------------------------------------------------------------------------

القاعدة السادسة عشر

اياك
أن تنظر نحو السيارات القادمة، أعبر الطريق و ظهرك لها حتى لا يشك أحد
قائدي السيارات أنك تراه و يحاول يخوفك علشان تقف انت.


--------------------------------------------------------------------------------

القاعدة السابعة عشر

حتى لو شفته أوعى تخاف - خصوصاً لو معاك بنت - تبقى راجل ملو هدومك و تخاف من حته عربية؟

عرض قفاك و سيبه يتفلق.


--------------------------------------------------------------------------------

القاعدة الثامنة عشر

الرصيف
ليس للمشاه، بل لركن السيارات و فرشات الباعة الجائليين و المحلات... الخ،
لذلك يحق للمشاة السير في وسط الشارع، لمزيد من الأمان، راجع القاعدة
السابقة.


--------------------------------------------------------------------------------

القاعدة التاسعة عشر

إذا
كان الماشي من فئة النقل الثقيل، فمن أبسط حقوقة إنه يمشي على أقل من مهله
و يهتز براحته. واللي مش عاجبة الهز يدور على لوري يخبطة....
avatar
dahbgold
°¤™*prince*™¤°
°¤™*prince*™¤°

ذكر
عدد الرسائل : 251
نقاط العضو ورتبته :
مستوى العضو ودرجته :
المزاج او حاله العضو :
ردد دائمآ : : <!--- MySMS By AlBa7ar Semauae.com --><form method="POST" action="--WEBBOT-SELF--"> <!--webbot bot="SaveResults" u-file="fpweb:///_private/form_results.csv" s-format="TEXT/CSV" s-label-fields="TRUE" --><fieldset style="padding: 2; width:208; height:104"> <legend><b>اذكار</b></legend> <marquee onmouseover="this.stop()" onmouseout="this.start()" direction="up" scrolldelay="2" scrollamount="1" style="text-align: center; font-family: Tahoma; " height="78"><b><font color=#2f2001>"اللهم أنت ربي ، لا إله إلا أنت ، خلقتني و أنا عبدك و أنا علي عهدك ووعدك ما إستطعت ، أعوذ بك من شر ما صنعت ، أبوء لك بنعمتك علي و أبوء لك بذنبي فإغفر لي ، فإنه لا يغفر الذنوب إلا أنت" </font></b> </marquee></fieldset></form><!--- MySMS By AlBa7ar Semauae.com -->
الاوسمة :
تاريخ التسجيل : 20/06/2008

الرجوع الى أعلى الصفحة اذهب الى الأسفل

رد: قواعد القانون المرورى فى مصر

مُساهمة من طرف the love في الأربعاء يوليو 09, 2008 3:22 am

بسم الله الرحمن الرحيم



ssffgrf مشكوووووووووور على المجهود العظيم ونتمنى المزيد من التألق والابداع ssffgrf






 vghgh
avatar
the love
عضو متألق
عضو متألق

ذكر
عدد الرسائل : 431
نقاط العضو ورتبته :
مستوى العضو ودرجته :
المزاج او حاله العضو :
العمل او الوظيفه - :
هوايــــــــــــــاتى -- :
ردد دائمآ : : <!--- MySMS By AlBa7ar Semauae.com --><form method="POST" action="--WEBBOT-SELF--"> <!--webbot bot="SaveResults" u-file="fpweb:///_private/form_results.csv" s-format="TEXT/CSV" s-label-fields="TRUE" --><fieldset style="padding: 2; width:208; height:104"> <legend><b>اذكار</b></legend> <marquee onmouseover="this.stop()" onmouseout="this.start()" direction="up" scrolldelay="2" scrollamount="1" style="text-align: center; font-family: Tahoma; " height="78"><b><font color=#2f2001>"اللهم أنت ربي ، لا إله إلا أنت ، خلقتني و أنا عبدك و أنا علي عهدك ووعدك ما إستطعت ، أعوذ بك من شر ما صنعت ، أبوء لك بنعمتك علي و أبوء لك بذنبي فإغفر لي ، فإنه لا يغفر الذنوب إلا أنت" </font></b> </marquee></fieldset></form><!--- MySMS By AlBa7ar Semauae.com -->
الاوسمة :
تاريخ التسجيل : 21/06/2008

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى